影片
更多
2010-06-03
16 瀏覽
誤闖尖沙咀喊評王自問都成日上openrice寫食評，成日搵下有咩好評食店，卻忽略了喊評的重要性，這天就誤闖尖沙咀喊評王﹗周日約了友人們吹水飲野，4:00pm見lunch都未食，就走來這間大皇一試﹗真的不敢想像原來呢間野0的喊評多得咁緊要，早知就唔鬼幫趁啦，咁多喊評總有因﹗人手不足服務差入到去，待應阿姐只得一個，張張枱都係食客食完既野未執，睇見都已經唔開胃。是旦找個位置坐下，等左成三四個字阿姐先埋來招呼下我地，幸好不趕時間，唔係又要扯火﹗真不明白如此大的場地，只得一個待應，阿姐其實已見落力盡快招呼客人，但這兒的老闆不是諗住人地好似甄子丹咁可以一個打十個嘛？睇到咁既情景其實都唔多想食，不過入到來就即管一試，要了一客四隻的招牌小籠包。賣相核突的小籠包又係等左成三四個字先有得食，小籠包就睇賣相就似「洩了氣的皮球」一樣，四隻小包一點新鮮的美感也沒有，個頂仲要有0的似未蒸熟一樣，同食家一望之下也笑了出來﹗皮厚，小籠包的皮有點似用「鍋貼皮」來包一樣，煙韌欠奉，勝在「鐵打」一樣你點拉佢都唔爆。不過其實爆都無所謂，因破開入面湯汁少之又少得幾滴，餡料尚算有肉香卻欠甜美，如佢話呢個小籠包是招牌菜的話，而家又
自問都成日上openrice寫食評，成日搵下有咩好評食店，卻忽略了喊評的重要性，這天就誤闖尖沙咀喊評王﹗
周日約了友人們吹水飲野，4:00pm見lunch都未食，就走來這間大皇一試﹗
真的不敢想像原來呢間野0的喊評多得咁緊要，早知就唔鬼幫趁啦，咁多喊評總有因﹗
人手不足服務差
入到去，待應阿姐只得一個，張張枱都係食客食完既野未執，睇見都已經唔開胃。
是旦找個位置坐下，等左成三四個字阿姐先埋來招呼下我地，幸好不趕時間，唔係又要扯火﹗
真不明白如此大的場地，只得一個待應，阿姐其實已見落力盡快招呼客人，但這兒的老闆不是諗住人地好似甄子丹咁可以一個打十個嘛？
睇到咁既情景其實都唔多想食，不過入到來就即管一試，要了一客四隻的招牌小籠包。
賣相核突的小籠包
又係等左成三四個字先有得食，小籠包就睇賣相就似「洩了氣的皮球」一樣，四隻小包一點新鮮的美感也沒有，個頂仲要有0的似未蒸熟一樣，同食家一望之下也笑了出來﹗
皮厚，小籠包的皮有點似用「鍋貼皮」來包一樣，煙韌欠奉，勝在「鐵打」一樣你點拉佢都唔爆。不過其實爆都無所謂，因破開入面湯汁少之又少得幾滴，餡料尚算有肉香卻欠甜美，如佢話呢個小籠包是招牌菜的話，而家又賣成$30四隻，那就一定不合格。
一味死鹹又硬的牛展
後悔仲點了麻辣鹵牛展，牛展一味死鹹，肉質過實淨全無牛展的彈性，上面鋪上麻辣蒜醬，食一件已經麻到入心入肺，連食家都話辣到要飲水，可知一二。
喊得有道理
得個辣字鹹字，當然不得不給個喊評了﹗
都唔爭在啦，多我一個喊評也不多，橫掂睇落佢應該都係尖咀喊評之王，食家們有心機地吃過上來留言大罵，必有因。
張貼
