Homeland (東昌街) (已結業)

同朋友去行大埔一田，順便去Homeland 感受吓小店風情。室內佈置簡约，枱與枱之間都頗濶落，原來餐廳有樓上，下次再來要上樓上坐吓先。午餐也頗多選擇，order了松露啡菇雞胸闊條麵，全日早餐，2客酥炸生蠔，飲品叫咗一個凍檸茶另外一個橙汁。松露啡菇雞胸闊條麫，頗重手松露，遠遠都嗅到，混入啡菇汁令到闊條麵掛上濃濃嘅松露汁，極之適合鍾意食松露味嘅人😋全日早餐份量勁大，兩個人食綽綽有餘，沙律菜同埋煙三文魚好新鮮，配上香腸煙肉雙蛋，仲有兩片多士，超滿足。酥炸生蠔一定要食，叫咗兩碟先夠喉🤣仲洗講，梗係好食先叫兩碟啦！飲品叫咗檸檬茶同橙汁各一杯，好解喝，極適合夏天。