Kani (已結業)

Kani其實真係離公司好遠...但為咗禮拜五食個靚lunch搭的士都唔拘！Kani牛扒的確好出色，不過都要試下新野吉列黑豚肉飯！！有中size同大揀，相差$4梗係有大食大啦！餐湯可以揀青豆薯仔湯或者麵豉湯，咁食得吉列黑豚肉就襯返日式麵豉湯啦，都係普通沖粉質素。主菜嚟到，勁大塊！配菜有黑醋沙律同椰菜絲，食肉食到滯都可以中和下。黑豚扒有兩大塊，底下有紙吸走多餘油份，一咬落去係好鬆化，真係外脆內軟，仲熱辣辣好送飯！七十幾蚊食到飽一飽，抵！不過有得配餐飲就好喇。