影片
更多
2018-01-21
453 瀏覽
行完大帽山，同老友一程巴士落番荃灣綠楊新村，之後匯合大家老婆，走入「元気」食壽司，過吓壽司癮。其實，本來喺打算飲茶，但附近幾家酒樓都好多人，退二求其次，就入咗元氣。「元気」唔使我多介紹啦，佢哋紮根香港咁多年，大家都好熟，環境一如淺木色系嘅和風格局，光猛整潔。近年，不斷與時並進，所以，由迴轉變咗子彈火車，又以平板全自動化落單，有根有據減少人為錯誤，又方便對單。壽司一整好，就由子彈火車送到，都幾過癮架。雖然牆上貼有餐牌上嘅所有食物，但大家都喜歡晌平板上轆嚟轆去。而下面所列為每客（每碟）單價，有啲一客一件，有啲則一客兩件。中華沙律 $17先嚟啲冷盤、小食過過口癮，中華沙律其實只喺啲海藻，唔知點解有個咁嘅名，一直無去考究，小弟成日當喺食海蜇咁，涼涼哋又爽口。枝豆 $17更加喺過口癮嘅小食，枝豆粉粉腍腍，帶點鹹味，唔覺口覺又一條。海膽軍艦 $25啲海膽落得都唔少，色澤亮麗而幾鮮甜，飯粒黏糯，圍邊嘅紫菜仲喺有啲脆脆口。炙燒醬三文魚腩壽司 $10三文魚腩切成一大長條，炙燒過夠晒靚仔，入口富油香，配壽司飯，好味。青瓜卷 $12老婆講健康又偏素，所以，就專登點客青瓜卷，唔喺咩特別嘢，勝在好啱佢食。青瓜卷
「元気」唔使我多介紹啦，佢哋紮根香港咁多年，大家都好熟，環境一如淺木色系嘅和風格局，光猛整潔。
近年，不斷與時並進，所以，由迴轉變咗子彈火車，又以平板全自動化落單，有根有據減少人為錯誤，又方便對單。壽司一整好，就由子彈火車送到，都幾過癮架。
雖然牆上貼有餐牌上嘅所有食物，但大家都喜歡晌平板上轆嚟轆去。而下面所列為每客（每碟）單價，有啲一客一件，有啲則一客兩件。
中華沙律 $17先嚟啲冷盤、小食過過口癮，中華沙律其實只喺啲海藻，唔知點解有個咁嘅名，一直無去考究，小弟成日當喺食海蜇咁，涼涼哋又爽口。
枝豆 $17更加喺過口癮嘅小食，枝豆粉粉腍腍，帶點鹹味，唔覺口覺又一條。
海膽軍艦 $25啲海膽落得都唔少，色澤亮麗而幾鮮甜，飯粒黏糯，圍邊嘅紫菜仲喺有啲脆脆口。
炙燒醬三文魚腩壽司 $10三文魚腩切成一大長條，炙燒過夠晒靚仔，入口富油香，配壽司飯，好味。
青瓜卷 $12老婆講健康又偏素，所以，就專登點客青瓜卷，唔喺咩特別嘢，勝在好啱佢食。青瓜卷切得工整，見過有啲店做得好迤，有高有矮。
八爪魚壽司 $17一客有兩件，仲要切得幾大件，唔知喺咪咁啱，切位剛好跟住啲吸咀嚟切，所以，外觀靚仔好多。入口柔韌，唔會好似擦紙膠咁，壽司飯搓得鬆軟，認真唔錯。
玉子壽司 $12同樣一客兩件，玉子做得好都唔喺易架，做得軟熟有蛋香，口感唔會鬆散削身，不俗。
炙燒左口魚裙邊壽司 $12咪睇啲左口魚白潺潺，食落好鮮甜吓，仲有一朕朕油潤感，燒得深啲可能仲正。
炙燒左口魚裙邊壽司
$12
19 瀏覽
0 讚好
0 留言
將帆立貝一開二，因為件帆立貝本身都算厚肉，所以，口感仍然有肉地，而且，頗爽口；唧咗少少沙律醬炙燒，令其鮮甜味更突出。
炙燒帆立貝壽司
$17
10 瀏覽
0 讚好
0 留言
牛油果喺老婆嘅喜愛，加埋有松葉蟹肉，實啱晒佢啦。軍艦上鋪滿好多蟹肉，配搭牛油果，效果唔錯，幾有清新嘅感覺。
松葉蟹牛油果軍艦
$17
12 瀏覽
0 讚好
0 留言
平時食一件件嘅牛肋骨就多，做成壽司就少啲。講笑咁講，有啲似食牛肉飯，但件燒牛肋骨肉又真喺幾香幾有肉味。
蔥牛肋骨軍艦 $17追加多件牛肋骨軍艦，配上牛蒡絲，又有紫菜捲住，整體感覺好過食牛肋骨壽司；再者，俾多$7，一客喺有兩件軍艦嘛，心理都覺得抵啲。
蔥牛肋骨軍艦
$17
6 瀏覽
0 讚好
0 留言
試咗多款壽司、軍艦，點番啲熱食，茶碗蒸喺暖心嘅選擇。啲燉蛋蒸得幾嫩滑，好有蛋香，蛋內伴有少少冬菇片、日或魚蛋……等，食完胃都暖返晒。
日式炸芝士年糕 $28香口嘢點都喺大家至愛，叫一客炸芝士年糕共享就最好不過。啲年糕炸等均勻金黃，而且，口感軟糯，內裡填滿芝士，香濃好味。
燒三文魚鮫 $24友人喜歡三文魚，所以，熱食揀多客燒三文魚鮫，唧點檸汁去去油膩感，魚肉嫩滑之餘，有份清爽氣息。
野菜餅烏冬 $29臨尾點個烏冬墊肚，其實，食晒上面啲嘢都幾夠飽，不過，加個烏冬就更滿足。野菜餅做得唔錯，香脆不膩，烏冬又夠滑溜。
野菜餅烏冬
$29
13 瀏覽
0 讚好
0 留言
張貼
