三禾中日料理 (已結業)

一家大細去完科學館, 搵個地方醫肚, 又唔想食茶餐廳, 行到去K11附近睇下有咩好食, 比我地睇到呢間三木, 係打邊爐, 但又好似幾正咁, 就一家大細上去, 真的不想再行了地方都好大喎, 下面以為好舊好細, 坐得都幾寬敞舒服食物選擇方面, 佢地都提供好多唔同種類喎, 咩都有, 仲有本好似人地放題嘅order紙調味架反而味道比較單調同大路, 不過唔緊要, 我要生蒜蔥花only打邊爐可以食埋刺身, 真係第一次, 刺身種類都係大路, 不過超新鮮我地叫左豆腐魚湯底, 不太魚腥味, 小朋友都鍾意我唔食牛, 佢有美國極黑和牛, 安格斯同黑毛豬, 都切得幾薄, 可以一淥就拎起食得, 幾細心愛海鮮的朋友, 可以叫埋海鮮試下, 隻蝦仲郁的, 點會唔好味呀邊爐料太多選擇, 要我揀, 我首選鵝肝鮮牛肉丸，鵝肝堅香, 溶化入牛肉裡面; 次選要試就係超大粒魚皮鮫，個皮唔厚，肉餡夠多,充滿魚香? 想試呀!要跟大家提下, 一定要留肚食mini版心太軟, 打邊爐或放題都好少機會食到, 呢度竟然有驚喜, 我地每人都要兩客心太軟, 真的心軟了