Angelato - Handcrafted Artisan Gelato (已結業)

清明節相約友人行山，於何福堂上麥理浩十段前往黃金海岸，今日真係好熱好大太陽 （證明清明時節未必雨昏昏），沿路見到好多孝子賢孫拎埋d燒豬除草機上山，不禁佩服起上黎。大概行左個半鐘就到左黃金海岸商場，當時真係熱成狗，身水身汗，所以見到間gelato，我諗都冇諗就衝左入去 （備註：因為50胃唔好甜野，正常應該唔會咁冇抵抗力）。最後我揀左個regular size，即係兩球，我order左一球芒果（店主話係芒果王）同一球cookie and cream。隻芒果味係exactly24D芒果乾既味，都幾好食，相對cookie and cream係比較清新。至於cookie and cream係偏甜同重奶味，好適合小朋友同女仔口味，因為我見到前面幾個家長都話自己小朋友覺得cookie and cream好食要encore，但就唔係我杯茶。但總括行完山可以食到一杯雪糕係令人開心既事。