福利茶室

營業中

休息中

假期行山一早已經訂定枱，可惜未能夠坐出邊面向田，環境比較好！全部都係叫晒啲招牌食物，白切雞真係同傳說中一樣完全冇脂肪好有雞味！炒番薯苗就好嫩！籠仔蒸蜆好鮮甜有一啲未熟叫佢幫我哋再蒸返都可以！椒鹽鮮魷就一般！手打墨魚丸就好好味但係就唔係彈牙嘅但係都值得食！客家炆豬肉好期待但係就覺得麻麻地！之前喺吉澳食過嘅就真係非常之鬆化，呢度嘅個味都好味，但略嫌比較肥啦！其他值得推介嘅煎𧐢餅、一定要食山水豆腐花超滑夠熱！仲有支裝汽水豉油王炒麵就冇乜特別建議唔需要嗌！