泰豐小廚潮洲打冷

營業中

休息中

昨天係聖誕節，我們一行四人行山，由城門水塘行去大埔坳，原本途經尖山，行錯咗所以冇去到啦。跟住去咗做按摩。因只係食咗個早餐，晏晝冇食嘢，所以按完摩後就拿拿林搵嘢食。路過一一間打冷舖，便食一個聖誕打冷大餐。叫咗個椒鹽鮮魷、鹵水鵝、蠔餅、花生豬手、鹹菜鱔煲、上湯豆苗和揚州炒飯。柯打完之後發現原來七個餸，唔多老黎，要多個韭菜豬紅。椒鹽鮮魷好大塊，味道跟一般冷舖一樣、野味，除咗個size唔同外。蠔餅比較多粉小豪仔味道都ok嘅。鹹菜鱔煲麻麻地啦得個鹹字。揚州炒飯好大碟好多餸。花生豬手炆得好淋，皮厚、好大隻又多骨膠原，正。整體嚟講，物質素係ok，好味嘅。