蟹點

營業中

休息中

來到港島南區，港島南線尾站海怡半島站呢度都好方便有海鮮食。行完山揾嘢食，位於鴨脷洲西邨嘅《蟹點》有好嘢食，朋友介紹呢度嘅白胡椒蟹好出名。地方闊落，樓底夠高，好適合大夥兒大圓枱歡聚吃海鮮，仲有一些户外位置。基本上有兩本大餐牌，中式海鮮及泰式小菜。招牌白胡椒蟹~上菜時鐵板香噴噴，倒入醬汁吱吱聲響，感覺更美味，食落更滋味，白胡椒蟹喺呢度嘅招牌菜，蟹係屬於涼寒涼嘅食物，白胡椒正正可以平衡返，香辣嘅胡椒味，新鮮肉蟹啖啖惹味，蟹鉗肉真的無法抵抗， 蟹爪絲絲白肉堅鮮甜，仲有蟹殼嘅膏，正！中午泰式套餐泰式Suki炒海鮮粉絲~足料泰式炒粉絲，魷魚、鮮蝦、青口肉等，辣辣地好醒胃。泰式凍奶茶~只當凍飲計，泰式奶味香濃。紅豆椰汁冰~椰汁冰好解渴，紅豆有益，炎熱天氣下嘅好選擇。食完返屋企都好方便，海怡半島A出口就喺附近，行天橋落到去就會見到港鐵出口。