蛇王二 (已結業)

今日落雨所以無咩人排隊，一嚟就即刻有位，正！呢度除咗蛇羹外，都有燉湯比唔食蛇嘅朋友。我今日揀燒味雙併餐，有蛇羹同一碟油菜。义燒略為乾咗少少，雞肉好滑，至於主角蛇羹無得頂呀！完全足料，個羹嘅肉絲，木耳絲，冬菇絲好足，湯羹唔會似果d打咗濃芡咁杰，無漿喉感覺，湯味清甜。凍冰冰食碗熱騰騰嘅蛇羹，再加上蛋散脆脆，檸檬葉，白菊花瓣，味道更加可口！大滿足嘅午餐呀！