匠工房秀吉 (已結業)

今日晏晝喺德福行街，行行下覺得有啲肚餓，決定搵吓附近有咩小食好食經過piago, 比一陣燒八爪魚丸嘅香味吸引住 四點幾呢個鐘數好多人排隊買野食，睇咗餐牌好耐，樣樣都好想食，又想食八爪魚，又想食燒餅，又想食炒麵最後決定食light 少少，所以揀咗set E 八爪魚燒餅套餐望住店員逐粒八爪魚燒出黎，外脆內軟，每粒入面都有一舊八爪魚肉🐙，醬汁配上岩岩新鮮烤出黎既八爪魚丸好好味～燒餅就一早烤好，但食落都係熱既～份量大，粉槳偏多，如果可以少啲粉槳，多啲餸就得好啦，不過整體都唔錯做下午茶一流～