誠拉麵 (已結業)

豚骨拉麵套餐(配日式沙律+餃子三隻+罐裝汽水)豚骨湯底好濃，飲落有啲粘粘嘅口感，味道適中。木耳絲份量幾多，爽口清新，加埋蔥令湯底冇咁膩。配料仲有海苔、叉燒各2片，半熟玉子半隻，叉燒肥瘦均勻，浸喺湯度更惹味，玉子香滑。麵質尚可，唔會太粘口。沙律粟米略嫌唔夠甜，菜相對都唔夠新鮮。餃子煎到都幾香脆，但餡料唔多，味道一般。豚骨味噌拉麵套餐(配明太子手羽1隻+鹽燒雞軟骨1串+罐裝汽水)湯底比豚骨拉麵重口味，配料大同小異，都係海苔、叉燒各2片、半熟玉子半隻，木耳絲換成荀絲同芽菜，荀絲酸酸爽爽，芽菜爽甜，更解膩開胃。明太子手羽肉質都幾juicy，裡面包住明太子。鹽燒雞軟骨幾香口惹味。