燈籠滷味 (登龍街) (已結業)

見佢都開咗一段時間，今日經過就試試佢。叫咗3餸（大腸、鴨血、杏鮑菇、油麵試下），再加杯熱黑糖奶茶。終於送上食物同飲品，個樣睇落好味！食第一口係鴨血，完全冇味。咁就再試下大腸，話哂係滷水食品店，而且顏色唔錯，但食落唔係想像中的味道，淡到呢，唔似食滷味咁！再試埋杏鮑菇，都係淡淡的，但反而索到汁係外面，所以，有少少味。心諗，好在叫3餸啫，如果唔係，肯定唔開心。咁嘅價錢，應該可以食到好味的車仔麵、米線或者河粉。食咗兩啖都頂唔住咁淡的味道，基本上係冇咩鹹味。最後拎咗碟辣椒油加味。杯熱珍珠奶茶冇匙羹，只比膠飲管我（其實我唔想用膠飲管）。問員工，佢話冇熱飲匙羹，佢話要匙羹可用食麵的匙羹，我真係O咀。飲品味道算正常啦！不過，本人真係試完就算！但我見隔離的女仔叫咗好大碗麵（冬粉底），因為見到好多款餸，見佢食到sir sir聲。食物味道真係好個人，唔啱我呢個鍾意食嘢的人。