影片
更多
2015-11-18
862 瀏覽
正當係銅鑼灣放左工唔知有咩好食既時候，朋友打黎話想食米線，我淨係記得有間好味既係馬師道附近，行到附近，已經聞到好香既酸辣米線 ，枱頭一望就係巴蜀軒 趟開舖頭門之後，門係會自動關上 ，細看之下，原來老闆刻意用個水樽利用力學將門自動關上，哈！幾得意 一間得6張枱既舖頭，5張接近坐滿人，我地揀收銀後面無人坐果張啦，點知後生仔waiter叫我地搭落其他已有人坐既枱 ，原來收銀後面將枱用黎做外賣（不過其後發覺原來係佢地用黎傾計用既 ），之後入黎既食客都一樣無得坐。望住個餐牌，好多唔同既選擇，左邊係酸辣，右邊係麻辣（貴兩蚊），米線同埋紅薯粉都一樣價錢 。我嗌左個巴蜀麻脆雞扒酸辣米線 啦，朋友仔嗌左招牌豬扒麻辣米線 。係等待米線上枱既時候，我發現隔離枱既小食單骨雞翼好吸引，好可惜朋友仔胃口唔大，我又怕一個人食唔哂，唯有帶少少遺憾留返下次食 大概等左5分鐘，兩碗紅薯粉都到哂，嘩...香味令我不期然吞左下口水 。酸辣味道剛好，唔太辣又唔啃喉，好香，配菜份量做得剛好（有啲米線舖個湯底有半碗芽菜），而且雞扒份量都幾大碟 ，但粉既份量唔算多，對於我地兩個大男人顯得得唔係太
趟開舖頭門之後，門係會自動關上 ，細看之下，原來老闆刻意用個水樽利用力學將門自動關上，哈！幾得意 一間得6張枱既舖頭，5張接近坐滿人，我地揀收銀後面無人坐果張啦，點知後生仔waiter叫我地搭落其他已有人坐既枱 ，原來收銀後面將枱用黎做外賣（不過其後發覺原來係佢地用黎傾計用既 ），之後入黎既食客都一樣無得坐。
望住個餐牌，好多唔同既選擇，左邊係酸辣，右邊係麻辣（貴兩蚊），米線同埋紅薯粉都一樣價錢 。
我嗌左個巴蜀麻脆雞扒酸辣米線 啦，朋友仔嗌左招牌豬扒麻辣米線 。係等待米線上枱既時候，我發現隔離枱既小食單骨雞翼好吸引，好可惜朋友仔胃口唔大，我又怕一個人食唔哂，唯有帶少少遺憾留返下次食 大概等左5分鐘，兩碗紅薯粉都到哂，嘩...香味令我不期然吞左下口水 。酸辣味道剛好，唔太辣又唔啃喉，好香，配菜份量做得剛好（有啲米線舖個湯底有半碗芽菜），而且雞扒份量都幾大碟 ，但粉既份量唔算多，對於我地兩個大男人顯得得唔係太夠。
麻脆雞扒酸辣紅薯粉
$38
76 瀏覽
0 讚好
0 留言
招牌豬扒麻辣紅薯粉
$40
84 瀏覽
0 讚好
0 留言
臨走時候，竟然見到收銀後面貼左張好搶眼既“超級大辣”挑戰 ，可惜我地兩個都食唔到大辣，但如果有機會睇到人挑戰一定好過癮，畢竟香港已經好少餐廳有呢啲挑戰可以玩啦
兩碗紅薯粉加埋78蚊，整體質素好好，而且價錢係銅鑼灣區唔貴，但如果可以比我坐得鬆動啲就更好啦 張貼
