Pickled Pelican (已結業)

勁耐冇嚟赤柱，天氣好熱即刻想搵間餐廳坐低涼吓冷氣，朋友見到門口個menu牌，碟Roasted Octopus入面有好多好大粒八爪魚呀！二話不說上樓上坐低叫咗，仲叫咗個cheesy lava和牛漢堡，加錢轉蕃薯條。漢堡嚟先，面頭成條脷咁嘅cheesy lava乾乾地，好在夾喺入面嘅芝士算多亦唔乾、牛肉都juicy、配埋煙肉同梅乾，口感豐富;蕃薯條外脆内軟有甜甜地蕃薯味，係滿意嘅。食到咁上下朋友期待已久嘅八爪魚終於到啦，見到碟嘢即刻勁失望🤣係咁問我碟八爪魚係咪比人食左一半🙈份量係少嘅，不過味又唔太差，八爪魚幾淋身，鮮味就唔太食得出啦，同其他配料都幾夾嘅，車厘茄同薯仔同個酸酸地嘅汁都幾開胃，如果上左八爪魚做前菜先上漢堡，可能失望感冇咁大😂