牛大人台灣火鍋吃到飽 (加拿芬廣場)

營業中

休息中

一家三口去尖沙咀買東西，原本諗住去厚福街食晚飯，行過加拿芬廣場見到呢間好出名嘅牛大人火鍋，見5點左右應該唔使等，點知上到去都有幾十人排隊，哈哈!入到去職員好有禮貌咁講解餐點消費，而且好有耐性，印象分已加!火鍋經常都係食嗰幾款湯底，見到特別就想試，“台灣鳳梨雞鍋”飲啖湯好清甜，裡面有半隻雞喺度，怪不得!“澳洲和牛牛丸”肉汁豐富，口感一洗!呢度供應嘅牛肉認真唔錯，我最鍾意“澳洲和牛M5牛肩卷”牛肉味濃，燙一燙入口嫩滑，一流!“手切封門柳”有咬口但唔韌，有肉香，必點!“瓜仔雞水餃”台灣好出名，第一次食又幾特別，有點鹹有點甜!“鱆魚珍珠漿”太座最喜歡，食完一筒再點一筒!其他食材真係絕對唔失禮，唔怪之得5點已經坐滿人，香港人真係唔會蝕底㗎!飲品都有好多選擇，好多款牛大人自家飲品例如洛神花茶之類，總有一款啱口味!“威士忌冬瓜茶”有小小酒精又唔會太重，值得一試!性價比高嘅火鍋，唔怪得近期火紅，下次一定再戰!