貴花甜糖水甜品專門店 (已結業)

係街度收到傳單，無任何折扣，但只係覺得個店名幾得意就去左試下，叫左個心太軟同埋雙色蕉糖燉蛋，例牌糖水鋪大細，坐位逼逼地，不過我都係諗住快食快走，所以無咩所謂，可能心太軟要焗會等比較耐，大約１０分鐘後上台，熱辣辣既朱古力蛋糕切開流心漿唔算多，但幸好味道夠濃，配埋雪糕凍冰冰幾好味。雙色蕉糖燉蛋一邊係普通燉蛋，一邊係朱古力味，碗既厚度其實好薄，所以分量唔算多，基本上一人可以食晒２邊，朱古力味不算重，反而普通燉蛋比較出色，焦糖不太焦，沒有燶味，還算不錯。