好燒味小菜 (已結業)

坊。抵食核蛋叉燒飯。大份小菜同一個夠朋友食飯因為佢要趕住返屋企所以就係西灣河食，其實西灣河真係有好多正嘢食尤其是太安樓附近行棋好多餐廳同小食店都好出色，今次我就去咗太安樓對面嘅好燒味食快晚餐，先來一個佢哋好推薦核蛋叉燒飯，核蛋用上日本雞蛋，比較有蛋香，製成溫泉蛋更香滑！叉燒用左靚靚半肥瘦的叉燒，邊位少少燶，外邊好濕潤甜蜜，內裡肉質鮮嫩，屬幾高質的叉燒！溫泉蛋汁撈飯勁好食呀！而且叉燒同飯的分量都不少，$38 抵吃過對面大快活好多！深信係下午學生必吃之選。另外叫咗個魚香茄子煲，呢個魚香茄子煲好足料，上枱熱辣辣，爭啲彈到我隻手呀！茄子大件，肉碎又多，鹹鮮味十足。小菜咁大份果然抵食。另外仲叫咗個燒鵝例牌，可能因為太夜先食嘅關係所以冇乜特別，留意呢度嘅燒味例牌價格不是街坊價。叫碟頭飯/核彈叉燒飯會抵食點。