牛魔王清湯腩咖喱專門店 (已結業)

原本今晚晚餐去食燒味的，忽然想起街坊説過介紹小巴站對面附近的清湯牛腩，所以改變主意就陪媽咪一齊去試吓。由於第一次來，所以選擇了五寶，牛肚，牛筋，牛腩，牛脷和牛尾，果然好味，牛腩湯底好清甜，因為仲有白蘿蔔，服務員態度好好，送多碗湯，因為佢話怕湯唔夠。而且我媽媽食的是牛坑腩粉絲也好冧好滑好好味咁話。套餐包配送熱飲，服務員介紹的檸檬意米水，意米甜甜地，所以不用加砂糖都好好味。之後仲叫咗碟油生菜，菜鮮甜爽脆。元朗又多個好食的地方了。