潮福蒸氣石鍋 (已結業)

老公山長水遠陪我入大埔剪頭髮，點都要有返啲回贈俾佢，就揀佢一年四季都咁愛既打邊爐做晚餐，雖然對我嚟講已經有啲厭惡，但確實係香港諗唔到食乜或一大班朋友聚會，呢個幾乎係必然之選，湯底及配料選擇之多，總有一款合你心意情人節去過潮福蒸海鮮，對佢既食物建立咗信心，始終老公去過連鎖酒樓任食邊爐有極不愉快經驗，所以都唔敢慳少少食到成肚氣定食象拔蚌刺身鮮甜爽口，三文魚肥美肉厚極上安格斯牛肉油脂平均、肉味濃海鮮拼盤樣樣新鮮，個人偏愛龍躉、聖子及生蠔，唔會淥到縮晒水任點食物中較少見既魚肚雖然係雪藏貨，但勝在大大塊吸晒湯汁，比豬皮更加入味手打牛丸好似平時既山竹牛肉，加入陳皮增添香味;粉腸同鵝腸呢類內臟最易中伏，當食到新鮮內臟真係要暫時拋開膽固醇之憂，好好享受今日想要刺激味蕾就揀咗麻辣鍋，加湯溝淡唔夠辣，侍應詢問要唔要加返啲麻辣醬，同時唔想飲凍飲時，亦幫忙入廚房找一揸未雪既竹蔗水，難得係酒樓遇到主動關心客人需要既服務，大大提升回頭率