影片
更多
2017-05-04
650 瀏覽
正當上星期六晚，同班朋友輕輕鬆鬆去西貢燒烤，跟大家講開…諗起嚟緊兩日放假真開心！ 話口未完，過了一會兒，突然收到老闆的來電，即管照聽，不知找我什麼事？！原來，因為翌日早上佢要送佢家姐入院，然而，維修公司廁所的師傅上星期六尚未完工！他又應承師傅早上 10:00 開門，要我星期日早上 10:00 返上環公司開門給師傅整廁所，要我逗留喺公司直至下午完工為止！叫我返去瞓覺都得㗎！心諗應該裝修會嘈到拆天！早知當晚唔聽佢電話啦！🙉🙉 星期六晚12:30 返到屋企！零晨 3:00 瞓，翌日 8:00起身，真係好眼瞓呀！上星期日早上，怎料未到 11:00，突然有兩個警察走入嚟，話有人投訴我公司裝修好嘈！原來星期日及公眾假期不可以發出嘈音裝修㗎！如果我老闆知道有咁嘅條例，我就唔使嘥時間趕返嚟啦！😒😒 無補錢！無補假！完全白白犧牲我當日半天的時間！好了！師傅們停工後，還要執手尾！大約中午 12:00 離開公司！講真！由我第一日出來工作到現時，我從來未試過星期日開工！星期日的上環街道，不算想像中的冷清！人流亦比預期旺！只是很少店舖開門做生意，當然，餐廳更甚…！單是屬於食街的禧利街及蘇杭街，都只有好幾間餐廳有
上星期日早上，怎料未到 11:00，突然有兩個警察走入嚟，話有人投訴我公司裝修好嘈！原來星期日及公眾假期不可以發出嘈音裝修㗎！如果我老闆知道有咁嘅條例，我就唔使嘥時間趕返嚟啦！😒😒 無補錢！無補假！完全白白犧牲我當日半天的時間！
好了！師傅們停工後，還要執手尾！大約中午 12:00 離開公司！講真！由我第一日出來工作到現時，我從來未試過星期日開工！星期日的上環街道，不算想像中的冷清！人流亦比預期旺！只是很少店舖開門做生意，當然，餐廳更甚…！單是屬於食街的禧利街及蘇杭街，都只有好幾間餐廳有開！要找個地方食午餐，加上要適合個人口味便會難上加難！快餐店通常都有開，卻是我不想幫襯而已！於是，嘗試走到住宅林立的皇后大道中，或者多些餐廳有開呢！
當我正想走到一間開了不久的餐廳 <煮道> 食獨有的鍋麵，竟然無開！經過見到原先的 <咪咪車仔麵茶餐廳> 舖位，轉了另一間新餐廳 <蒸汽先生>，發現左下角仍有保留 <咪咪車仔麵> ，相信是同個老闆開設吧！ 位置是 7-11 便利店隔離，一過馬路就見到，相當方便！
這裡簡單的裝潢，牆身加了鏡子，擴闊視覺效果！棄掉原有的圓枱及卡位餐桌椅子，換上色彩繽紛的摺枱摺椅！
這間新開的 <蒸汽先生> 並非供應蒸製點心及蒸氣火鍋…之類，而是以燉湯及藥膳雞為主打，健康又滋補！當然，照保留車仔麵！ 至於飲品方面，不乏健康的養生茶！供應：早餐、午餐、下午茶餐
店方亦與時並進，設有 QR Code 提供資訊！
以半自助形式，食客先走到收銀落單付款，稍後，便會有店員送餐！
藥膳雞午餐 $45
付款後，5 分鐘便送齊！相當快手！值得一讚！如此有效率，就算平日中午 order 都無有怕啦！
用特別訂製的木托盤盛載，精緻美觀又方便！壓印有店名 <蒸汽先生>！
藥膳雞午餐
$45
29 瀏覽
0 讚好
0 留言
涼菜當日的涼菜，店方指定供應涼拌大豆芽，微辣的大豆芽，涼浸浸又清爽，惹味開胃！果然是夏日涼拌！
藥膳雞
是以藥膳浸雞，雞肉保持嫩滑多汁，迫出油份，入口味鮮而不膩！店方給予的雞件包括：雞頸、雞脾、雞 pat pat；真是包羅萬有呀！配上薑蓉，風味滿載！
藥膳雞
25 瀏覽
0 讚好
0 留言
可配白飯/ 米粉/ 幼麵個人不主張放在湯麵上，這樣藥膳汁便會變淡！令整體口味弄得更淡口！至於，黃色的幼麵，我會覺得不太夾！最終選擇簡單的白飯！白飯份量大約飛機餐的 size，表面看起來乾了一點，拌勻後軟硬適中，而且粒粒分明！藥膳汁拌飯一流！其鮮味及精華所在，得以保留！
藥膳湯：竹蔗補氣湯 +$15 有 4款湯，分別有不同功效！
包括：竹蔗、淮山、杞子、豬骨、當歸、川芎、陳皮…等，單是配料已佔了一半，十分足料！ 這款湯具幫助人體新陳代謝，補氣活血...等功效！燉湯比煲湯來得健康清怡！煲湯只會把配料及湯水越煲越濃！然而！燉湯保留配料精華及鮮味！燉湯的湯水入口清而微甜，少油！油份主要來自豬骨，同時帶出鮮味！我覺得無添加味精，連鹹度也稍微，相信味道來自配料，藥材味輕微，容易入口！ 還發現有蟻屍！
卻是店方供應紙匙羹，燉湯要趁熱飲，我又驚熱辣辣的湯水會把紙匙羹濕水後會溶掉，還是放涼才飲，教我突然矛盾起來！紙匙羹環保但不好用！以槓桿原理的匙羹，手拿著匙羹柄，可用來舀湯飲舀飯食，紙匙羹柄斷開些小，足以令整支匙羹軟弱無力！ 實用率頗低，當時，我在餐廳內亦無反映紙匙羹問題給店員，恐怕日後會有其他食客反映！
張貼
