影片
更多
2008-11-05
48 瀏覽
鐵板餐唔難搵，好多茶記連大家樂大快活都有得食，但係好食又平嘅都真係有啲難度，呢間莎樂美餐廳係我到目前為止覺得最抵食又幾好食嘅扒房，每個餐都唔駛一百，又湯又餐又甜品，仲有星期一至四夜晚九點後入去食全張單八折，真係抵到丫！ 噚晚又係有折，所以又走去幫襯，我哋叫咗一個美式什扒，一個西冷牛扒五成熟，個餐有以下嘅： 羅宋湯：好重好濃嘅牛肉味，食到一嚿嚿嘅牛肉粒粒，仲有洋蔥同埋一條條切得好精美嘅甘荀喺湯入面，甘荀仲未煲到爛晒，稔稔地，幾好味，我覺得佢個湯仲要好味過森美！ 餐飽：夠熱夠軟熟，一貫水準，搽埋牛油點湯食一流！ 美式什扒： 嘩！多到丫！有牛扒、豬扒、雞扒、雞全翼、火腿、腸仔，配菜仲有薯角，椰菜花同蕃茄，真係好多嘢食！薯角得三嚿，可能怕裝唔落，稔晒唔脆，但係索晒啲蒜蓉汁就好好味，當薯蓉食囉！牛扒最好食，雖然薄，肉汁仍然豐富，而且亦好稔；豬扒差少少，味道可以但有啲硬身，雞扒煎得好香，皮亦夠脆，雞翼最快凍，所以麻麻，其他大路嘢，唔駛研究！ 西冷牛扒：肉身成吋厚、五成熟呈粉紅色真係好稔！成塊扒大到好似塊鐵板咁大，牛肉味濃又且肉汁豐富，啖啖都係享受，就算連牛扒側邊嘅肥膏都好香口，忍唔住食埋！ 甜品－
鐵板餐唔難搵，好多茶記連大家樂大快活都有得食，但係好食又平嘅都真係有啲難度，呢間莎樂美餐廳係我到目前為止覺得最抵食又幾好食嘅扒房，每個餐都唔駛一百，又湯又餐又甜品，仲有星期一至四夜晚九點後入去食全張單八折，真係抵到丫！ 噚晚又係有折，所以又走去幫襯，我哋叫咗一個美式什扒，一個西冷牛扒五成熟，個餐有以下嘅：
羅宋湯：好重好濃嘅牛肉味，食到一嚿嚿嘅牛肉粒粒，仲有洋蔥同埋一條條切得好精美嘅甘荀喺湯入面，甘荀仲未煲到爛晒，稔稔地，幾好味，我覺得佢個湯仲要好味過森美！
餐飽：夠熱夠軟熟，一貫水準，搽埋牛油點湯食一流！
美式什扒： 嘩！多到丫！有牛扒、豬扒、雞扒、雞全翼、火腿、腸仔，配菜仲有薯角，椰菜花同蕃茄，真係好多嘢食！薯角得三嚿，可能怕裝唔落，稔晒唔脆，但係索晒啲蒜蓉汁就好好味，當薯蓉食囉！牛扒最好食，雖然薄，肉汁仍然豐富，而且亦好稔；豬扒差少少，味道可以但有啲硬身，雞扒煎得好香，皮亦夠脆，雞翼最快凍，所以麻麻，其他大路嘢，唔駛研究！
西冷牛扒：肉身成吋厚、五成熟呈粉紅色真係好稔！成塊扒大到好似塊鐵板咁大，牛肉味濃又且肉汁豐富，啖啖都係享受，就算連牛扒側邊嘅肥膏都好香口，忍唔住食埋！
甜品－朱古力雪糕：佢啲雪糕會配埋碎果仁，朱古力碎，仲要好藝術咁繞啲朱古力漿落去，勁正，碎果仁應該係即日新鮮整嘅，咬落去脆卜卜，朱古力味超濃，雖然得幾啖好快搞掂，但係因為太飽嘞比多啲我都食唔到，所以覺得啱啱好！呢個甜品真係大餐過後嘅完美終結呀！
飲品：凍咖啡及凍鴛鴦各一，味道夠濃，不過如果可以大杯啲就好嘞！
呢間餐廳嘅鐵板餐最正係上鐵板嘅時候真係「沙」足一分鐘，彈到一枱都係，塊板有幾熱可想而知，食到尾啲嘢食仲可以至少係暖嘅，咁樣先至叫得！
張貼
