M Kitchen (已結業)

一行四人黎食晚餐，見裝修幾靚，乾淨光猛。店內裝修真係好young，雲石枱，tiffany green顏色，好適合女士們打卡影相呀。餐廳好好，為食客送上防疫湯水，哩個做法好溫暖，亦會令食客開心。日式醬燒特上厚切鰻魚飯 $118原條鰻魚上碟，滿滿既燒汁同鰻魚好夾，冇骨，魚肉林，哩個價錢算不錯喇。重量級石燒牛柳 $118用重量級哩3個字去形容真係好貼切，因為實物睇真係超巨型，我地都好驚訝哩個價錢食到咁大塊牛柳。牛柳好林，肉好厚，5成熟剛好。汁燒牛肉鍋飯 $68賣相吸引，份量都大份，牛肉燒汁入味，洋蔥炒到幾香，牛肉多，係肥牛片黎，略韌，接受到既。鮮茄龍蝦焗飯 $118哩個睇餐牌吸引，上枱賣相都奪目，半隻龍蝦，但龍蝦肉唔多，食埋2隻青口冇餸，可加入蔬菜菇菌，口感會更豐富。兩杯凍似跟餐半價，楊枝甘露飲品幾特別。