豬手工房

營業中

休息中

我今日去咗大圍嘅豬手工房食午餐，呢間餐廳係一間隱藏喺工廈內嘅西餐廳，環境寬敞舒適，仲有露天座位可以坐。（但就真係難搵咗啲 其實去到車房 嗰個指示牌可以整個箭咀咀個方向！） 脆爆鹹豬手真係好出色，外皮炸到金黃香脆，肉質鮮嫩多汁，配上自家製嘅芥末醬同埋自家醃製嘅酸菜絲，好有層次感。份量都好足，一個人食都食唔晒。我覺得佢哋嘅豬手係經過精心處理嘅，唔會有太重嘅豬味，而且皮同肉都好有彈性。個芥末醬係微辣嘅，可以增加香氣同埋刺激味蕾。酸菜絲自家醃製，味道唔會太酸，啱啱好可以中和豬手嘅油膩感。葡汁焗雞扒飯都唔錯，雞扒煎得香口，表面有啲焦香，肉質唔會太乾。仲有啲芝士增加風味。飯係炒過嘅，炒得夠乾身，更能掛滿香濃嘅葡汁，令味道更加豐富。蜜椒雞翼嘅雞翼係用蜜糖調味。雞翼外皮啲蜜糖好多而且都有黑椒味 同埋炸得好酥脆，夠哂入味。呢個整得幾出色！！白桃椰果茶好清新開胃，茶中嘅椰果粒有啲似果凍咁，我好中意。而茶中仲有陣陣白桃嘅清香清甜嘅味道，可以中和整頓飯嘅油膩感。青檸梳打好適合夏天飲。夠哂清涼清爽。