可可店 (聯威新樓)

營業中

休息中

黎呢頭做野，順便搵間小食檔歇歇腳。坐低睇睇下餐牌，突然覺得幾肚餓，所以就叫左幾款小食試試。蒜蓉魚肉燒賣($16)係喺魚肉燒賣上加左炸蒜同熟油，味道都唔錯，不過燒賣咬口就爭啲，唔算好彈牙，都係小弟尖沙咀食開果間好啲。香煎腸粉加雞蛋($19)都唔夠香口，蛋味有，如果可以再花心機煎多陣，啲蛋香脆啲會更好。香煎蠔仔餅($33)係似茶樓煎薄罉果種質地，少少煙韌，都食得到落左好多粒蠔仔。至於蠔仔新鮮度就尚可，小食店嘅規模同流量黎講不能要求太多。炸鳳城水餃($33)反而有啲驚喜，餃皮炸得好脆唔油，入面嘅餡都大大舊、熱辣辣，點埋夠classic嘅沙律醬都幾開心。