超級自助壽司店

營業中

休息中

淘大的壽司店有好幾間，但比起那些連鎖店，我偏偏較鍾情這間街坊小店。雖然環境一般，有時地方唔夠乾淨，而且座位迫迫地坐得唔夠舒服，但勝在食物質素幾好，價錢亦不算貴。海鮮廣島蠔湯烏冬好足料，最喜歡佢個湯底非常濃郁入味，配烏冬一流。三文魚、帆立貝、火炙三文魚壽司都算幾新鮮同大大舊，食完會想再叫。三文魚刺身會隨碎冰上，不過略嫌啲魚太凍，蓋過哂啲魚味，食落口得個凍字。加送的魷魚刺身(?)都幾好味。間店其實仲做埋外賣，買盒三文魚刺身返去食係抵過堂食既。