來泰巷

營業中

休息中

路經土瓜灣一路見到很多茶餐廳，所以行過呢間街坊泰式餐廳即刻想買個外賣試吓。門口一啲都唔起眼，入到舖頭都覺得有用心佈置過嘅。泰式海南雞飯餐 （$68）打開個袋都覺得有啲驚喜：- 海南雞雖然只得四五件，都好滑好Juicy- 無骨鳳爪有四五件都好味嘅，有啲辣- 估唔到居然有一串豬沙嗲串燒都好味喎- 黃飯份量都幾多，但係口感就偏軟- 蘿蔔例湯正常冇得輸 - 甜品係椰汁西米糕一件， OK啦以咁嘅價錢，我覺得CP值好高，味道都算係咁，店內有泰國人對話，所以的而且確係泰國人主理，下次有機會試埋船麵同Phat Thai ，再報告一下。