蛇王海

營業中

休息中

一年淨係做八個月，由9月到4月，碰巧我路過走入去食先知原來今年淨係做到4月6號，真好彩！鋪鋪頭好街坊，幾張折枱，不過每個客走都認真清潔，所以感覺好衛生。誠意出品，雖然已經完全唔凍，4月突然想食蛇羹，發覺卜脆同檸檬葉任你自己加，所以我食到一半又可以有脆卜卜既卜脆，好開心。蛇羹足料，味道非常好！雞髀飯交足貨，飯係另上既，雞好多菜墊底，配咖哩或薑蔥你自己揀。其實老闆推介羊煲，可惜我唔食羊。佢都有話依家濕氣重應該飲龜苓湯，不過我心有所屬，所以只有下次啦。