小確幸咖啡館

營業中

休息中

#搞串個pantry今次就去到以鎖車隊🔒聞名於世嘅#沙田 第一城搵食，嚟到一間街坊西式餐廳🍽️，呢度主要食意粉🍝、全日早餐、扒餐🥩等等。呢間餐廳有大部分座位都係商場內半開放式，感覺就好似有冷氣嘅露天茶座🏖️。我哋就嗌咗🟣早餐set(炒滑蛋、吉列魚、丹麥酥多士)($60)、🔵溫泉蛋卡邦尼意粉($56)。炒滑蛋、吉列魚、丹麥酥多士🌟🌟🌟仲有沙律🥗、粟米🌽。丹麥酥多士🍞非常好食，成塊好香脆，好酥😋！！吉列魚柳表皮炸得幾好🔥，炸衣唔會太厚，食落魚柳都好嫩滑，不過就間唔中有陣腥味😖。而個炒滑蛋就一般般，食落口有啲乾身，無乜味。溫泉蛋卡邦尼意粉🌟溫泉蛋略嫌熟得滯😣，做唔到蛋黃流出嚟嘅效果。成個意粉食落味道偏淡，而醬汁偏稀🤨，令意粉食落得返麥味。除咗意粉之外，仲有啲煙腩肉🥓，不過同樣唔香口。建議可以先煎香🍳啲煙腩肉先再放落意粉。