明豐粵菜館 (已結業)

這區吃小菜飯店不多, 有都係麻麻地, 所以明豐就好爆棚, 老闆係大厨, 一定會好比心機, 自己生意嘛, 唔好食就冇下次㗎。因為地方不大, 人手不多所以餐牌菜式也不多, 但勝在夠鑊氣。試過幾次自己買魚去蒸, 次次都掂; 咕嚕肉入面真係肉不是肥膏, 酸甜茨味道剛好, 不會太酸; 北菇鵝掌有5掌5菇 加碟菜就剛好。冬天仲有生炒糯米飯(大份量)及羊腩煲(試過係超值)。最好係平時日子早点去啦, 多人最好訂位。