阿龍巴基斯坦咖喱

營業中

休息中

話說呢期天氣幾凍下，香港又有疫情，聽講食咖哩可以治武漢肺炎，咁我就用老婆去食返餐巴基斯坦咖哩晚餐。每次一個人食一係食咖哩牛腩或者咖哩雞，咁今次同老婆就會叫埋其他野。呢度啲咖哩呢就係巴基咖哩，好多洋蔥碎，所以每一啖咖哩都有蔬菜，好健康的。咖哩都好香濃，雖然唔似註：印度咖哩咁多做法，但勝在一種咖哩夠穩陣。（每種肉食個底都有啲唔同）今次就食咖哩牛腩，因為老婆中意食咖哩牛腩。 牛腩就做到基本要求，就係夠淋，吸埋咖哩汁送飯一流。另外，今次食飯叫左咖哩羊腩，第一次食，就差少少喇。羊腩太過淋，無晒咬口，同埋太碎太多骨，食得唔小心會咬到骨。每次兩人以上食呢間野，就一定會食蕃茄。呢到啲蕃茄入貨好穩定，每次都係多汁大肉茄，好甜好多汁。落少少鹹調味就最好喇。加上咖哩太辣可以減辣，所以一定要食。食晚飯緊要飲啤酒。呢間鋪就普通街坊店，老闆娘都算熱情，係個羊腩失左手，總之想食咖哩就會過黎。