木船泰國粉麵專門店 (已結業)

今日去到太和咁遠探朋友，佢樓下有哩間隱世小店，主打食泰菜，我地幾個食完先上佢屋企玩，估吾再咁有驚喜😬必點招牌燒豚肉飯！灸燒味非常香，相信係用咗特別嘅燒法！令人齒頰留香，外脆內軟!上面鋪滿左小小酸辣的青木瓜同芝麻，好有口感，解左豚肉既膩，成個層次昇華了!每個套餐定食都會配一個拼盤同湯，可以自由選擇冬陰功湯或是肉丸扎肉雞湯！拼盤係蛋沙律、朱古力糯米糍同泰式魚餅！另一款就係配麻辣木耳！每款定食可額外配小食，我哋叫咗單骨雞翼同蒜蓉炒通菜，四個人食三碗粉+2碟小菜都好夠飽，性價比超高😎份量都非常大！椰青非常清甜🙌🏻🙌🏻完全喜出望外😁甜而不膩！大力推介🎊而且龍眼冰既甜不是假甜，係龍眼嘅清甜🤪一杯有成30粒龍眼起😙