京都薈

營業中

休息中

呢度嘅晚市套餐全部都好經濟實惠。我同屋企人嚟試咗幾次佢嘅海鮮晚餐都係好平。雖然價錢平，但係佢嘅海鮮都唔失禮，我哋次次食蒸魚都係幾滿意另外上次叫咗啲龍蝦伊麵。龍蝦係新鮮，亦都見到佢哋嘅魚缸好多鮮龍蝦，唔怕食到死貨。我哋屋企有幾個生日會同埋百日宴都係呢一間酒樓度搞，佢哋間房，間得幾好。絕對教私人空間，同埋所有套餐嘅價錢都相對比其他酒樓平價，但係佢嘅食物質素依然好。屋企嘅老人家好鍾意落嚟食飯。 平日中午飲茶嘅話呢度質素都唔差，而且唔係好使等位。呢度嘅燒賣好大粒同埋好彈牙唔會有好多肥豬肉喺入邊。另外幾鍾意呢度嘅燒味飯，次次飲茶我哋都係會叫嘅。燒味都幾脆皮同埋調味做得好好。