金龍冰室。 川湘菜

營業中

休息中

成日經過屋企附近呢間金龍冰室都未試過，今晚媽咪話唔煮飯，一於落黎試下喇！一入到去，環境地方光猛企理，坐落舒服，我地落左單好快就上菜喇😉首先係幾乎每檯都有叫嘅招牌金龍水煮魚🏆上菜時真係好驚艷呀，因為超大碗，睇得出好足料！魚片非常嫩滑，同埋無骨，老人家都非常鍾意，湯底更加係正添啦，酸度適中，非常惹味，個個都嗌多個白飯，最後差唔多連湯清哂😆再黎係避風塘魷魚鬚🥢魷魚鬚好大碌，炸粉亦唔會好舊，魷魚啖啖肉，口感又脆又彈牙！仲有個係惹味雜錦香鍋，入面有好多蔬菜，有蓮藕呀木耳咁，隻辣味同水煮魚、魷魚鬚係唔同嘅，別有一番風味😋