三台八座 (已結業)

去西環探朋友後想搵個地方食飯，朋友就推介在他的家附近這家餐廳，佢話份量夠，大大碟，反正都要食，一於試試，有晚餐套餐兩種set a /set b 分兩個分別set b有沙律，同食物選擇不同，個人喜愛吃肉，當然要set b 個美國安格斯西冷配岩鹽蒜蓉橄欖油$208，但當天賣清西冷，老板免費升級肉眼扒，但配菜照跟！先上是日餐湯，香滑忌廉蘑菇湯，重點係星形碗，同平時啲碗比已經夠大，老板話重可以refill! 當然我就沒有，但朋友話老板好好人，午餐時段，學生可以再加！跟住上沙律，煙三文魚沙律，同樣星形碗，上面鋪滿了三文魚肉，沙律菜清新爽口主菜美國安格斯西冷配岩鹽蒜蓉橄欖油$208真的如朋友說，大大碟，份量兩個人吃都可以，對於我都覺得好大份！薯條大大條，個扒五成熟，一啲都唔生，入口煙韌彈牙，加埋個岩鹽蒜蓉汁，真係好好味！老板都問我重有薯條要不要refill ，食完塊扒已經差不多十成飽了，加埋個餐飲香滑凍奶茶真係要抱住個肚了！朋友推介呢間餐廳，真係份量十足，再加埋不用加一，更加超值！