一漁外賣壽司 (已結業)

「一漁」算係T town 街市食街中我最喜歡嘅店鋪之一，主打平民壽司及刺身。刺身丼包紙包飲品或麵豉湯，亦都可以加＄3轉汽水。今日叫左個雜錦刺身丼，即叫即整，刺身有三文魚、帶子同吞拿魚，刺身份量都幾多，每款都好新鮮，面頭鋪左好多蟹籽，加埋玉子粒同青瓜粒，色彩繽紛，賣相好吸引，以＄56連飲品黎講算幾超值。 吞拿魚刺身:丼飯加配四片刺身只係$20，全部都係厚切，大大塊好肥美，帶有魚油甘香味，入口鮮甜。帆立貝刺身：帆立貝刺身一份有4件，大大件，非常厚身，無雪味之餘入口仲好鮮甜，以＄56黎講算幾抵食。炸蟹餅：即叫即炸，拎到返屋企時仲係熱辣辣，炸起好好食，非常香口。