旭川日本料理

營業中

休息中

其實幫襯左呢間小店好多次,貪佢選擇多,價錢唔貴,而且就腳。至於味道方面,我個人認為對得住個價錢,唔算性價比高嗰隻囉。你話唔好食咩,又唔係。好次今日兩個人去食,叫左一個雜錦刺身飯定食,有紫菜豆腐麵豉湯,又有前菜,刺身飯冇花冇假,有三文魚、油金魚、大甜蝦、蟹柳、玉子、青瓜、蕃茄仔,我覺得合格。飯腳叫左牛仔骨定食,好幾塊大大片牛仔骨,仲有炒到香噴噴嘅洋蔥,雜菜同粟米粒,一樣有湯有前菜,食到飽飽。最後,仲例牌奉上雪米糍,滿足!小店買少見少,經開就幫襯一下,支持一下啦。