桃園制作粥麵餐廳 (廣田商場) (已結業)

屋企對面既小商場只有3間食肆以及街市入面既熟食店,選擇不多~ 平日早餐我會選擇到快餐店或在家食早餐,省時快捷嘛! 最近的周末反而多左黎食早餐~貪其早餐供應至11:30 AM . 香煎雞扒湯米粉配太陽蛋 ($34) 佢既米粉比較幼身,跟銀絲米粉有點接近雞扒煎得juicy幾香。以前叫過半焗流心蛋，不過偏向全熟，而太陽蛋都煎得幾靚！　香滑奶茶，茶奶比較平均，以早餐黎講都算唔錯！