影片
更多
2017-09-17
158 瀏覽
對於我嚟講，筲箕灣係一個好遙遠嘅地方。車程之遠，其實仲遠過我去一敞廣州。每次同朋友嚟搵食，都係去東大街一帶搵，成條街好多大大小小嘅食肆，梗有一間啱食。今日山長水遠嚟探朋友（老友就冇計啦），佢小朋友由工人姐姐睇住先，我地兩個就可以暫時輕鬆落街搵食! 佢係地膽，當然佢話事，問我食上海菜好唔好，冇問題，一於試吓囉。行行吓，上咗樓梯，左轉入一條橫街，橫街中間有間食肆大紅燈籠高高掛。但門口寫住「江南特食料理」，乜唔係食上海菜咩?門口本來係對住鐵絲網，但用左啲假花同真植物做裝飾，令原本暗淡嘅橫街增添一點點色彩。店舖唔係太大，亦冇豪華裝潢，總之就係街坊食店，平民食堂嘅感覺。坐低冇耐即刻送左兩碗湯俾我哋，夠熱!午市套餐好平︰但我地又唔想食飯，又唔想食麵，又唔想食年糕。見到$22有4隻小籠包，齊齊話啱食。都幾大隻，即叫即蒸，熱辣辣，味道唔錯。唔係皮薄，但裡面都好多湯汁。飲品選擇算多︰士多啤梨梳打$22 - 幾香士多啤梨味，士多啤梨糖漿入面有少少士多啤梨果蓉。青蘋果梳打$22 - 呢杯就冇果肉果蓉，而且甜左啲。散點都多選擇︰雞絲粉皮$48 - 我個人比較鍾意食涼浸浸嘅冷盤，呢碟就未夠凍，不過冷盤嚟講就算
但門口寫住「江南特食料理」，乜唔係食上海菜咩?
門口本來係對住鐵絲網，但用左啲假花同真植物做裝飾，令原本暗淡嘅橫街增添一點點色彩。
店舖唔係太大，亦冇豪華裝潢，總之就係街坊食店，平民食堂嘅感覺。
坐低冇耐即刻送左兩碗湯俾我哋，夠熱!
午市套餐好平︰
但我地又唔想食飯，又唔想食麵，又唔想食年糕。見到$22有4隻小籠包，齊齊話啱食。
都幾大隻，即叫即蒸，熱辣辣，味道唔錯。
唔係皮薄，但裡面都好多湯汁。
飲品選擇算多︰
士多啤梨梳打$22 - 幾香士多啤梨味，士多啤梨糖漿入面有少少士多啤梨果蓉。青蘋果梳打$22 - 呢杯就冇果肉果蓉，而且甜左啲。
散點都多選擇︰
雞絲粉皮$48 - 我個人比較鍾意食涼浸浸嘅冷盤，呢碟就未夠凍，不過冷盤嚟講就算幾大碟，而且雞絲多，用料足。
花雕醉雞$68 - 雞件已經夠多，估唔到仲有毛豆同雞腎，抵食。醉雞最重要係酒味充份滲入雞肉，呢個酒味幾濃，唔錯。
東坡肉$58 - 東坡肉一件上，幾大件，東坡肉厚多層次，好肥美，芡汁亦味道適中。另外仲有大量小棠菜，食完肥肉要食晒菜Balance返。不過最好就幫我切開四件啦，容易分容易食。
高力豆沙$40，做到熱辣辣、脹卜卜、軟綿綿，味道唔錯。但外型唔討好，唔夠波形，豆沙餡亦較少。
食呢餐之前一晚咁啱又係食中菜，係一間集團式經營嘅連鎖中菜廳，食物唔算特別出色，起碼醉雞就冇呢度咁好食，而且全場爆滿侍應又唔夠，食客經常要追單。街坊食店當然冇咁富麗堂皇，不過要做到長期有街坊支持，食物質素一定唔差。不過地方有啲偏僻，唔係街坊都未必識嚟。
張貼
