金曼谷泰國餐廳

營業中

休息中

呢間泰國菜館同隔離馬來西亞菜館其實係同一間舖，所以貪心嘅人有福喇，兩邊menu都order得，不過我目的係泰菜，所以冇試過馬拉菜好唔好食。青咖哩雞好食，咖哩汁香甜，雞同茄子都幾多。馬拉盞炒椰菜苗，椰菜苗冇苦澀味，不過偏咸。菠蘿炒飯好大個，勁多肉鬆，飯夠乾身，唯一敗筆係用左雪藏蝦。蒜蓉包好夠蒜蓉牛油，香脆得黎唔會成塊乾晒，幾惹味。整體黎講都唔錯，不過調味有d重手，咸左d，但都係可接受範圍。價錢街坊，最後仲送左舊椰汁大菜糕，幾抵食。