媽咪隨意屋 (已結業)

今日行遠啲去長沙灣元州邨嗰邊搵嘢食 一入元州商場 就見到媽咪隨意屋👩🏻本身見到個裝修以為係冰室之類 睇真啲個Menu原來係食泰國菜👀見今日口淡淡就決定食啲濃味野啦套餐有五款 本身我好鍾意食冬陰功 但見到佢竟然有泰式船麵 好少泰國菜館會做船麵🍜所以決定食佢😋呢碗絕對係足料版船麵✌️✌️有肥牛豬肉丸蘿蔔同埋炸豬皮 配金邊粉 喺泰國食過地道船面就知道炸豬皮係必須嘅 炸豬皮吸晒湯底嘅精華 就好似我哋平時食魚蛋粉要配炸魚皮一樣🥳蘿蔔好入味 湯底明顯淆左好耐 香濃但唔會口渴 豬肉丸好彈牙 一咬落去爆汁 不過我下次會揀雞肉 因為牛肉煮得有少少老下次嚟一定會食冬陰功湯 睇到個賣相都覺得吸引 臨走嗰時侍應姐姐仲好有禮貌咁問「點啊？好唔好味」果然小店係有人情味啲🥰