鄰居 (已結業)

以前在深水埗上班，喜歡幫襯一間小店「Neighbor」。食店由幾位年輕人主理，主打漢堡包，店如其名，給人左鄰右里的感覺。最近出深水埗買嘢，當然要返去食，適逢午餐時段較多人，要在店外等位，幸好只等了十多分鐘就有位。🔸 大烤菇牛肉漢堡 + 雙色薯條（上）手打牛肉扒很juicy，配上烤過的大啡菇，味道很夾，烤過的麵包依然鬆軟。加錢轉為套餐，選了雙色薯條，雙色是指馬鈴薯及蕃薯，薯條新鮮炸起很脆口，而蕃薯條甜甜哋幾得意；飲品就加錢要鄰居特飲（罐裝汽水不需補錢），果汁配梳打蠻醒胃。🔸 鄰居漢堡（下）另一個選了招牌漢堡包「鄰居漢堡」，材料同樣豐富，有手打牛肉扒、煙肉，蘑菇、芝士、生菜，還有我喜歡的菠蘿，烤過的菠蘿特別香甜可口。小店有提供餐紙作包着漢堡包，但個包實在太大份，還是用刀叉慢慢享用。另外，平日有美式午餐，牛肉漢堡配薯條/沙律及罐裝汽水，價錢很相宜，有機會要試試。