影片
更多
2024-08-07
370 瀏覽
半島漁港係屋企附近開左一段時間，知道佢地晚市有火鍋，一直都無機會試，今日趁我地兩個同時平日放假，一於去試下。呢度雖然係做街坊生意，但係環境寬敞舒適，裝修又夠晒大氣，一家大細聚埋一齊打邊爐，真係一流！無限時任飲任食火鍋，星期一至四，成人每位＄268，自助區有各式各樣嘅飲品，汽水、茶、啤酒，有糖無糖咩都有，食物就有各式各樣嘅蔬菜、丸、豆腐、菇、魚皮餃、麵等等，其他任食配料好似蝦滑、鵝腸等等，就要落order。湯底我地叫左鴛鴦鍋，一邊係香濃嘅沙嗲湯底，另一邊就係夠晒特別嘅皮蛋芫荽湯底！沙嗲湯底捧出嚟嗰陣，周圍都聞到陣陣香氣，真係好吸引呀！至於皮蛋芫荽湯底嘛，味道就比較清新，適合喜歡清淡嘅女仕們。等緊湯底上檯嘅時候，店員就為我地送上限定嘅食物： 刺身拼盤有三文魚、帶子、北寄貝及甜蝦，全部都好新鮮。阿翁極級牛頸肩就兩至三位有一份細，不過一啲都唔細份，都有成廿幾塊，牛味香濃，肥瘦適中。蠔皇鮑魚扣玉掌就每位每樣一隻，鮑魚又大又肥美，口感一流，配埋醬汁，真係好好味，令人一啖一啖食過不停。環球海鮮盤有蝦、蠔、扇貝、蟶子同墨魚仔，全部都超級新鮮！蠔非常肥美，扇貝相當鮮甜，蟶子大大條，墨魚仔非常爽口。至尊水
呢度雖然係做街坊生意，但係環境寬敞舒適，裝修又夠晒大氣，一家大細聚埋一齊打邊爐，真係一流！
無限時任飲任食火鍋，星期一至四，成人每位＄268，自助區有各式各樣嘅飲品，汽水、茶、啤酒，有糖無糖咩都有，食物就有各式各樣嘅蔬菜、丸、豆腐、菇、魚皮餃、麵等等，其他任食配料好似蝦滑、鵝腸等等，就要落order。
湯底我地叫左鴛鴦鍋，一邊係香濃嘅沙嗲湯底，另一邊就係夠晒特別嘅皮蛋芫荽湯底！沙嗲湯底捧出嚟嗰陣，周圍都聞到陣陣香氣，真係好吸引呀！至於皮蛋芫荽湯底嘛，味道就比較清新，適合喜歡清淡嘅女仕們。
等緊湯底上檯嘅時候，店員就為我地送上限定嘅食物：
刺身拼盤有三文魚、帶子、北寄貝及甜蝦，全部都好新鮮。
阿翁極級牛頸肩就兩至三位有一份細，不過一啲都唔細份，都有成廿幾塊，牛味香濃，肥瘦適中。
蠔皇鮑魚扣玉掌就每位每樣一隻，鮑魚又大又肥美，口感一流，配埋醬汁，真係好好味，令人一啖一啖食過不停。
環球海鮮盤有蝦、蠔、扇貝、蟶子同墨魚仔，全部都超級新鮮！蠔非常肥美，扇貝相當鮮甜，蟶子大大條，墨魚仔非常爽口。
至尊水餃王就每位有一隻，真係好大隻，有成個拳頭咁大，要淥一段時間先食得。
由於限定食物同自助區太多野食，要落單嘅配料我地只係叫左蝦滑同鮮鵝腸，蝦滑打得勁滑，入口彈牙，真係食到停唔口，鮮鵝腸既爽脆又鮮甜，簡直係完美嘅配搭！
總括嚟講，呢餐打邊爐真係食得超滿足！半島漁港嘅食材新鮮，味道好之餘環境又舒服，真係好值得推薦俾大家！如果你哋住喺天水圍，或者想搵間好嘅打邊爐地方，呢度真係唔錯嘅選擇。
張貼
