勤記甜品店

營業中

休息中

行開北角想食甜品，搵左好耐先見到呢間甜品店😋一入到鋪頭，老闆娘已好熱情招待！士多啤梨小丸子第一次見呢款甜品，就決定一試！因為偏愛椰子味雪糕，所以決定將士多啤梨雪糕轉成椰子雪糕😋！第一啖一食，發現士多啤梨味比較淡，椰子雪糕就好有椰香味，兩者夾埋食食落唔算好甜！後來，老闆娘俾埋士多啤梨味雪糕我試，連埋小丸子一齊食，味道即時creamy好多，好似士多啤梨奶昔咁，好好食！下次都係唔轉雪糕好D🤣芒果小丸子同普通甜品舖嘅小丸子無異，味道都係差不多，但芒果更新鮮，配埋芒果味雪糕，芒果味濃郁，好味😋！