影片
更多
2013-09-05
622 瀏覽
以往已幫襯呢間餐廳不知有多少次，但食物質素，服務態度愈來愈差！ 今晚５／９／１３（四）懶得煮飯吃，於是去海景餐廳買外賣（第一次），入到去收銀處叫Ｃ餐－－豉汁涼瓜牛肉飯，有例湯及一杯熱奶茶，＄３５元。 個女收銀竟然黑口黑臉，粗聲粗氣對孤星講：「三十五蚊，坐低等啦！」而家訓話呀？孤星有得罪妳咩？！ 孤星就坐在近門口的檯等待，對面的一個老女人飲緊野，而個女收銀就不斷同個老女人吹水數家珍！約５分鐘左右個白頭髮老闆拎外賣給予孤星，回家打開一看↓（圖）彈：例湯例必油多又鹹的！當然啦，要你加＄７元改凍飲丫嘛！ 彈：木筷子一頭一尾對調，熱奶茶只有一包砂糖，幸好在家有砂糖添加，但唔夠花奶，有苦澀味！ 彈：盒飯就大大盒，但牛肉又是過老偏韌有渣，最失敗就係飯無飯味，淋ＰＡＴＰＡＴ好似食漿糊！！！ 只是涼瓜ＯＫ，湯飲了兩啖，飯吃了不足一半就放棄啦！仲衰過便利店的叮飯！－－－－－以往吃過的：早餐－－煎蛋、炒蛋、火腿、油包都是已整好的所以涼；炸菜肉絲麵（意粉、米粉），麵是大光麵，吃到厭！肉絲太硬，意粉、米粉亦是！沙嗲牛肉通粉過鹹，奶茶一定要多奶。 晚餐－－ 揚州
今晚５／９／１３（四）懶得煮飯吃，於是去海景餐廳買外賣（第一次），入到去收銀處叫Ｃ餐－－豉汁涼瓜牛肉飯，有例湯及一杯熱奶茶，＄３５元。
個女收銀竟然黑口黑臉，粗聲粗氣對孤星講：「三十五蚊，坐低等啦！」而家訓話呀？孤星有得罪妳咩？！ 孤星就坐在近門口的檯等待，對面的一個老女人飲緊野，而個女收銀就不斷同個老女人吹水數家珍！約５分鐘左右個白頭髮老闆拎外賣給予孤星，回家打開一看↓（圖）
彈：例湯例必油多又鹹的！當然啦，要你加＄７元改凍飲丫嘛！ 彈：木筷子一頭一尾對調，熱奶茶只有一包砂糖，幸好在家有砂糖添加，但唔夠花奶，有苦澀味！
彈：盒飯就大大盒，但牛肉又是過老偏韌有渣，最失敗就係飯無飯味，淋ＰＡＴＰＡＴ好似食漿糊！！！ 只是涼瓜ＯＫ，湯飲了兩啖，飯吃了不足一半就放棄啦！仲衰過便利店的叮飯！
－－－－－
以往吃過的：
早餐－－煎蛋、炒蛋、火腿、油包都是已整好的所以涼；炸菜肉絲麵（意粉、米粉），麵是大光麵，吃到厭！肉絲太硬，意粉、米粉亦是！沙嗲牛肉通粉過鹹，奶茶一定要多奶。
晚餐－－ 揚州炒飯過濕亦無乜味，支Ｘ極汁唔知擺了幾耐只有酸澀味，無豉油！
番茄牛肉飯，番茄太酸牛肉又是偏韌有渣，飯不熱亦是無飯味！
豉椒牛肉炒麵，吃過超十次有多，牛肉一時時的鬆軟，麵太多油但ＯＫ，失敗的是調味豆瓣醬（即蒜蓉辣椒醬）死鹹無辣味！
豉椒排骨炒麵，排骨汆水不足，肉過硬！
羅漢齋飯，兩片冬菇、草菇、粟米仔、黃芽白加大量獻汁而無味，如吃雞肋！
－－－
環境只得光亮的燈光，照到你眼花花！近水吧的冷氣機經常有污水滴下座位及檯上，卡位狹窄，只有近水吧的三張卡位比較闊些，經常有蚊蚋蒼蠅飛，圖片只供參考的掛畫還未除下，最主要的是服務態度，班女侍應不斷催催催，飯未到就要人叫飲品！
次次見班女侍應一得閒就同班熟客街坊不斷的吹水，問個老闆排骨夠唔夠軟淋，竟答唔知啊！過鹹又唔知，軟淋又唔知，收錢你就知？！
題外話/補充資料：
曾在中午經過此間餐廳的後門（行人道），見工人將一桶死魚（烏頭、黃立倉、鯇魚）搬入廚房，＄４７元有一條清蒸魚，鹹例湯一碗，無味白飯一碗，再加一碟二兩的油菜，吃不吃隨你了。
孤星寧願坐車到荃灣買一條廿元的活魚回家煮來吃，或到其他食店吃都好過再來呢間不知所謂的謀利茶餐廳！
(以上食評乃用戶個人意見 , 並不代表OpenRice之觀點。)
張貼
