海景餐廳

營業中

休息中

［📍荔景｜海景餐廳］呢間係一間外表非常平平無奇既街坊茶餐廳埋沒左係荔景邨街市入面 機緣巧合之下 比我試到餐廳既意粉佢地所用既意粉粗幼度岩岩好 而且唔會煮得太淋我大膽地試過佢地既 魚香茄子意粉 豆腐火腩意粉 粟米斑腩意粉 咖喱牛腩意粉出奇地全部都好好味 再加埋佢地既辣椒油雖然辣椒油唔夠辣 但好夠香以平民茶餐廳黎講 非常有驚喜～

咁啱有事喺荔景附近要搞，又唔想食大家樂因為成日都食，於是喺openrice就搵到呢間海景餐廳。餐牌選擇都多嘅，一般嘅茶餐廳嘅選擇。揀咗個全日快餐C椰汁香芋排骨飯。一上菜就覺得中伏。啲芋頭都唔煮得腍嘅，排骨冇味，而且啲汁係透明嘅！飯又硬！喺度做嘢嗰啲阿姐成日都高談闊論，好嘈！連自己有婦科病都喺度大聲討論，非常之影響客人嘅食慾！只係杯奶茶叫做正常啲，幾滑、幾香。下次都係食返大家樂算保險啲！唉！無下次！=-(

叫咗外賣送錯餐 打去講點知比個員工cut線 今時今日依種服務質素真係希望你哋睇路😀唔會再幫襯。平時我都好少投訴 專登要上嚟依個平台講 希望你地正視員工服務質素既問題 雖然係平民茶餐廳 但無理由連最基本既事都唔處理囉 顧客有必要包容你地錯失架？

明明係茶餐廳，又話自己係餐廳，扮高級嗰啲侍應全部都黑口黑面，粗粗魯魯，比我呢個送貨佬仲要粗魯。我叫咗個魚香茄子飯，係好大碟分量好夠 但係一啲都唔好味食落去又鹹，茄子又唔夠淋，食落去好硬而且有一啲好重油份嘅味道，話明係魚香茄子，但係一啲魚香味都冇，魚香茄子的汁好鹹，就算用嚟撈飯 都係覺得好鹹。隨著個飯就跟個湯，個湯係蓮藕湯，但係蓮藕湯咬落去個蓮藕嗰度一啲事都冇嘅完全冇藕斷絲連嘅感覺好冇feel，一啲都唔好飲都係鹹。如無大礙我以後都唔會去呢間茶記食嘢。

由於中午兩點未食嘢情況下，見到呢間茶餐廳，諗都唔諗就入去，因為實在太肚餓。入面人數不多，主要做街坊生意。款式選擇多太耐冇食窩蛋免治牛肉飯，好期待，最後好失望，同我平時食開好唔同，即刻冇曬胃口但太肚餓都要食。隻生蛋埋咗係中間，上枱已見撈咗半好咸，冇牛味....反而友人碟魚香茄子見得人，但都係好咸凍檸茶少冰同正常嘅分別。唯一好嘅係凍檸茶足料，落咗好多片檸檬。價錢一般，飲品要加錢。唔會再黎食，雖然做街坊生意，都唔係咁差

住左幾日瑪嘉烈，食醫院飯食到個人頺頹地，一出院唔食滿漢全席，都起碼食返個正正常常既茶記。人生路不熟，沿馬路行落來行行下，見到有舊式屋村，即刻衝入去搵食。下午茶時間見到呢間，好多街坊食緊，就入左去食。嗌左個公司三文治，味道普通，不過幾足料，都食得飽。見其他食客嗌果啲野食賣相都好普通，所以都無再encore。不過亮點來了，嗌左杯凍奶茶，好飲都痴線，好有舊式冰室既茶香，甜度適中，即刻嗌多杯！雖然個個食既野都唔同，但目測絕大多數人都係飲奶茶，睇來有啲料到。見凍既都咁好飲，於是又再嗌多杯茶走……一個字: 精彩！我好少寫食評，但我咁大個仔都係第一次一餐飲3杯奶茶，然後仲想再飲 (可惜已經飽到上心口，飲唔落)。一定會再來！

今晚又OT，要做嘢首要醫下肚先今晚特別多人，唔知係咪下午時落大雨，冇買餸平時都冇咁多人為咗快，叫咗個晚餐蘿蔔火腩飯，可能炆嘅時間太長，蘿蔔同火腩都過淋，唔知係咪因附近係舊屋邨多老人家呢！？宜家D茶餐廳通常用不銹鋼杯，好懷念童年時茶餐廳用嘅大瓦杯，可能因瓦杯唔係金屬，人情味感覺濃好多！

雖然是老街坊，食慣食熟，食到冇知覺。不過真係要推一推這裏的西多。先說外表，一塊金黃色磚塊上台，吸引至極。的確食好多間茶餐廳，都未必可以炸到有金黃色。(多數只得蛋黃色就上碟)。到餡料，因為是茶餐廳，可以隨便叫多醬。岩晒食醬既我。仲要今次，見佢有兩層醬，完全滿足到我這個食醬人士。不過外層金黃色，還差一點脆口感。如果可以再炸致脆口就perfect了。

以往已幫襯呢間餐廳不知有多少次，但食物質素，服務態度愈來愈差！ 　  今晚５／９／１３（四）懶得煮飯吃，於是去海景餐廳買外賣（第一次），入到去收銀處叫Ｃ餐－－豉汁涼瓜牛肉飯，有例湯及一杯熱奶茶，＄３５元。 　             個女收銀竟然黑口黑臉，粗聲粗氣對孤星講：「三十五蚊，坐低等啦！」而家訓話呀？孤星有得罪妳咩？！ 　 孤星就坐在近門口的檯等待，對面的一個老女人飲緊野，而個女收銀就不斷同個老女人吹水數家珍！約５分鐘左右個白頭髮老闆拎外賣給予孤星，回家打開一看↓（圖）彈：例湯例必油多又鹹的！當然啦，要你加＄７元改凍飲丫嘛！ 　　彈：木筷子一頭一尾對調，熱奶茶只有一包砂糖，幸好在家有砂糖添加，但唔夠花奶，有苦澀味！　　 彈：盒飯就大大盒，但牛肉又是過老偏韌有渣，最失敗就係飯無飯味，淋ＰＡＴＰＡＴ好似食漿糊！！！ 只是涼瓜ＯＫ，湯飲了兩啖，飯吃了不足一半就放棄啦！仲衰過便利店的叮飯！－－－－－以往吃過的：早餐－－煎蛋、炒蛋、火腿、油包都是已整好的所以涼；炸菜肉絲麵（意粉、米粉），麵是大光麵，吃到厭！肉絲太硬，意粉、米粉亦是！沙嗲牛肉通粉過鹹，奶茶一定要多奶。 　 晚餐－－ 揚州

趕‧趕‧趕, 尤幸這店早餐煮得快, 拿拿林半小時已KO, 俾錢走得早餐A $24用捷榮糖包, 乾淨俐落......香腸‧煎蛋‧牛油餐包 ... 送到來覺得幾引人, 煎蛋是鑊仔煎, 有少許脆邊, 夾牛油甜餐包同吃一流 蛋黃流出來的蛋液, 杰杰的帶濃郁蛋味 (不過是涼溫度), 煎香腸味道都ok, 廚師牌都無走雞, 不過最衰是溫度冰冰凍 (今天氣溫得16度咋~) 唯有把它浸落麵湯 甜餐包鬆軟有份量, 塗在包內的是牛油而非瑪芝蓮沙爹牛肉公仔麵 ... 沙爹牛肉食落無牛肉味兼無纖維(進入「化境」), 相信連無牙老人家也能嗒溶牛肉, 沙爹味道只有鹹味, 其實都沒有強求過......公仔麵就煮得軟硬適中, 不過不失~熱檸茶的檸檬皮好澀, 浸兩浸就要抽起, 不過一杯有4厚片檸檬已算重手, 紅茶味道醇厚。茶餐廳人氣旺盛, 幸好剛剛有位

同朋友去荔景影夜境, 出發前要醫左個肚先啦, 大家又唔想食快餐店, 見到呢間茶餐廳, 二話不說, 直入 一入去, 好多人, 要等一陣先安排到一張卡位俾我地三個大男人; 咁多人的局面, 在一間屋村茶餐廳都可以講係少見; 檯與檯之間都幾逼, 不過侍應相當好禮貌, 反應又快, 而地方又清潔, 讚!我地三個人叫左三個小茶套餐, 每個套餐包例湯, 一個小菜, 一個白飯同埋一杯飲品:冬瓜加肉湯, 好咸好味精, NO GOOD......魚香味好濃, 茄子同斑腩入晒味,斑腩無雪水味, 處理得好好!西芹好脆口新鮮, 腰果都係脆卜卜, 加埋肉絲炒, 口感豐富, 而個 "獻"汁味道又好好, 正!唔係好夠味, 淡左D, 而個豬排又唔夠乾身總括黎講, 食品質素比好多出名的茶餐廳好好多! 價錢又相宜!

1-6-2007 1943越簡單的食物，越難整得好食。計家庭式全肉的小菜，係我心目中第1位是豉汁蒸排骨，第2位便是椒鹽豬扒，它們好食與否，無論係新鮮、雪足「1世紀」或用「另外途徑」取貨，決定於調味或汁料。如自己出去茶餐廳食晚飯，必定選後者，前者已經死曬心，自己煮仲好。是日突然要落去開工，臨上去前填肚，便早一個站落車，還記得村內除美心外，還有一兩間茶記，就選了這間，正如上面講，睇下椒鹽豬扒整得好唔好，加埋一碗飯、一碗湯及凍啡，盛惠38蚊(其中5蚊係凍飲)。先上湯，今晚係粟米紅蘿蔔豬肉湯，飲落唔會得個咸字，還有由材料所出的味道，應該冇落師傅，不錯；凍咖啡諗唔到有埋咖啡粉係面，味道唔似一搬大排檔或茶記所沖的，都叫做落本；主角終於上場，這裡選擇了蒜蓉、紅椒絲及鹽方法煮，第1步已合格，食落稍為硬左少少，但可以接受到，唔算乾身，幾野味，骨數目不多，不錯。N年前食評已講，最憎用辣椒醬或辣豆板醬，年幾前係灣仔杜蘭街蝦麵店對面間新釗記就係用呢個方法煮，以屋村茶記來說，這裡絕唔似幾十年如一日的格局，如係貨櫃碼頭又近荔景及有時間，這裡也是一個好選擇。