稻香 (天瑞商場) (已結業)

茶樓的茶客都是街坊，大家都知道閒日上午11點半前埋單享有特價，平足20-30%！所以，閒日人好多，要等位，週末就人少啲。茶樓點心中規中矩，唔算精緻，但有幾款點心質量不錯，每次都點。鮮蝦腐皮卷我的No.1必點，去到邊飲茶都點。腐皮卷又薄又脆，蝦肉鮮嫩多汁，加入筍粒有層次感，點埋醋就一絕！排骨鳳爪飯我的No.2必點，鳳爪、排骨和豆豉的味道滲進白飯裡，好味！食完呢兩個點心已經飽~~金勾炸兩腸腸粉包住油炸鬼，今次油炸鬼唔夠脆，冇口感又冇層次感，差咗啲。鴛鴦雙潮不過不失。農家肉餅飯肉質滑嫩，撈飯真係幾好味。醬皇蒸鴛鴦掌我唔食鵝掌，但屋企人幾欣賞，覺得咬下咬下幾爽。