寶峰冰室

營業中

休息中

今日午餐用外賣平台，揀咗一間於平台上都多街坊支持及評價唔錯的寶峰冰室，叫咗2個常餐。家人叫咗沙嗲牛肉米粉，配炒滑蛋，火腿，厚多士，紅豆冰。個牛肉米粉都算夠入味，但又唔會好咸。我叫咗火腿通粉轉蕃茄濃湯，配炒滑蛋，腸仔，厚多士，凍奶茶。蕃茄濃湯OK喎，唔咸但夠濃，通粉亦唔會太淋。跟餐的厚多士如果可以脆啲就更好，不過都明白，始終係外賣送餐而唔係即刻食，會差小小。家人特別提到杯紅豆冰，唔會好甜，而紅豆亦一粒粒，有口感而唔會已經溶晒。而我杯凍奶茶走甜亦都算夠濃，質素唔錯。總結寶峰的常餐，味道及份量亦OK, 整體唔會太咸。大家可以試下。