Le Three (已結業)

放假唔想煮，帶左老婆同仔仔出街食見到呢間餐廳藍色招牌好吸引，價錢實惠。餐廳裝修好有愛琴海風情，以藍白為主，望落都幾舒服😌餐湯係紅薯為主，老婆話紫按好夢幻😆味道甜甜地，好岩老婆口味👍🏼三色藜麥沙律🥗 好健康呀！而家好多人減肥都會用三色藜麥代左米飯，營養豐富👍🏼檸檬雞翼。岩岩炸起熱辣辣架😆好開胃👍🏼黑松露雞肉芝士香煎意大利飯。個飯煎到好似餅咁，外面有少少脆，仲有勁多芝士🤤美國西冷排。因為仔仔都要食，叫左8成熟，煎得岩岩好，無血水又唔會硬。不過個汁有啲甜，如果咸番少少就正🙈服務都唔錯，斟水斟得密，仲會問下我地對食物既意見😆