富記潮州粉麵

營業中

休息中

心血來潮想平平地食下粉麵，經過見到呢間招牌好搶眼，擺出嚟嘅Menu有散叫粉麵飯，兼有套餐，價錢又親民就入咗去幫襯。即刻落左2個必食之選-招牌崩沙牛腩河粉（另加拼牛丸）：聽聞崩沙腩是牛腩中最矜貴的存在，筋膜連少少肉，軟腍味香。係貴少少，但都試下！仲可以order瘦腩，但食落口感不失，依然好嫩滑，好香牛味；而且唔會韌！加拼的牛丸咬落都彈牙同牛味十足！牛三寶：包括多牛筋，牛肚及牛腩。牛筋好有膠質感，但不油膩；牛肚係爽口，牛腩都大大舊，但唔會難咬；湯底加入腩汁，成碗麵好牛！配粉麵不少得辣椒油。佢既辣椒油都好香；另外有辣菜脯。菜脯比較特別，不是只有死辣。加入麵內，好有咬口及令湯底有點昇華！另加點炸魚皮，魚皮亦十分香脆，新鮮。整體上富記既牛都唔錯。而且餐廳整潔，都有不少選擇，下次十分期待佢地自家製既魚旦粉。